her er mi låtønskeliste for kvelden. du kan sjølv velje rekkefølgja.

på førehand takk.

lukka er å kjøpe fine dusrosa roser når vinteren nektar å sleppe taket sjølv om det strengt tatt er vår, vår på papiret. papirvår.

lukka er ei sandstrand, horisonten, sola og ei god bok – på ferie ilag med den nydelegaste søstra. som svarte 14 kamelar på spørsmålet frå ein vilkårleg framand om kva  ho skulle ha for meg. for seg sjølv skulle ho ha 100 kamelar. minst.

lukka er neglelakk og ringar. og neglelakk og piano.

lukka er fine tantebarnhender med neglelakk som vinkar til hurtigruta.

lukka er den søtaste nattlampa i historia. sjølv om den er tilnærma ubrukeleg og stadig ramlar.

lukka er å ha verdas finaste, beste og kulaste mormor.

lukka er å teste nye apps og vere totalt ukritisk til kva som faktisk er eit fresht motiv.

lukka er å sjå på kjekke menn. og samle og bruke dei beste som inspirasjonskjelde på lesesalen. funkar vel passe dårleg.

lukka er å sitte åleine i vigelandsanlegget.

lukka er å deilige seg på fest medan andre tar bileter av deg.

lukka er å vere masterstudent. akkurat der ein vil.

lukka er å lage mat utan oppskrift berre ved hjelp av det ein har i kjøleskapet. og at det blir nydeleg.

lukka er laurdag derpå.

lukka er sudoku foran vedomnen heime hjå mor&far.

lukka er låtar ein likar som får ein til å tenke på nokon ein likar.

kva er ein god remiks? for meg skiljer ein god remiks seg frå originallåta, men samstundes er det viktig at ein høyrer kva som er opphavet. her dreiar det seg om å handtere eit slags spenningpunkt mellom god variasjon/god heilskap. DJar som produserer fete remiksar har ein eigen evne til å velje ut viktige element frå låta og bruke desse på ein innovativ og interessant måte. dei legger også til nye “fikse” detaljar; eksempelvis nye, velfungerande trommegroovar eller fete sound- og syntheffektar. ein remiks skal helst vere dansbar, men det er ikkje noko absolutt kriterie. også vokalbruk er sentralt og at dette blir brukt på ein passande måte; nokre remiksar krever mykje av vokalen frå originalmiksen, medan andre mindre.

dette er berre ei subjektiv oppramsing av nokre essensielle moment. i tillegg er det verdt å få med at som med så mykje anna er det også innanfor dette området ingen regel utan unntak – nokre remiksar berre har “det”.

veldig, veldig jamnt er det altså, men ei slags rekkefølge har eg ordna dei inn i. kvar remiks får ein liten kommentar, men det viktigaste er å innvilge seg litt tid til å høyre (og gjerne danse) til låtane:) (her ligg låtane som spotifyliste: topp10remix2010 )

1. Funky Nasty (Wolfgang Gartner Remix Edit) – Andy Caldwell feat. Gram’ma Funk

det er ikkje utan grunn at denne remiksen er nominert til Grammyprisen i kategorien beste remiks. Wolfgang Gartner tar  remiksing til stadig nye høgder. låta er ekstremt tøff og osar av attitude. vi blir møtt med eit vell av syntheffektar og tema som utfyller kvarandre på ein eksemplarisk måte. slik høyrer god remiksing ut; lytt, dans og ikkje minst: nyt!

2. Paradise Circus (Gui Boratto Remix) – Massive Attack

ein nydeleg remiks av ei nydeleg låt. klarer å ta vare på det sårbare ved låta samstundes som det blir tilført catchy trommerytmer og kule detaljar. kanskje ikkje den mest dansbare, men absolutt eit fullgodt handverk!

3. Teenage Dream (Kaskade Club Remix) – Katy Perry

naiv og søt opphavslåt. veldig bra driv; ein klassisk dansegolvsvinnar. Kaskade har laga særdeles mange gode remiksar til både Britney, Justin T., Lady Gaga med fleire.

4. Telephone (Ming Extended Remix) – Lady Gaga feat. Beyoncé

remiksen har eit meir rocka preg på grunn av ein kul bassound og nokre velplasserte gitarriff. dette gjev låta eit heilt ny, men passande feeling.

5. Hang With Me (Starsmith Remix) – Robyn

klarer å ivareta det dansbare og skjøre ved Robyn sin musikk og faktisk tilføre endå meir synth utan at det blir påtrengande.

6. Rock That Body (Skrillex Remix) – Black Eyed Peas

første gongen eg høyrde denne låta vart eg sittande å måpe og le. fantastisk mangfald av dansbare og hardcore synthar. einaste ankepunkt er at at dei kanskje kunne klart seg utan den smurfeliknande stemma..

7. California Gurls (Armand Van Helden Remix) – Katy Perry feat. Snoop Dogg

Van Helden er kjent for å lage funky og catchy låtar og remiksar; det klarer han også så absolutt med Katy Perry og Snoop Dogg sitt samarbeidsprosjekt. morsomme syntheffektar og ein gjennomført groove som kan lyttast/dansast til i evigheiter.

8. Dancing On My Own (Jakwob Remix) – Robyn

veldig fin dynamikk i denne remiksen og den er også nokså detaljrik – lytt fleire gonger og bli overraska. inneheld nokre typiske synthklisjear, men det overlever vi.

9. Only Girl (In The World) (The Bimbo Jones Remix) – Rihanna

vil rekne med dette blir ein dansefavoritt framover; låta innehar mange effektar og tema som inspirerer til bevegelse. det er ei tøff oppgåve å remikse ei låt produsert av Stargate, men resultatet er absolutt vellykka.

10. Back2Back (Cold Blank Remix) – Spencer & Hill

morsomt og spennande miksa! får du ikkje lyst å danse til denne remiksen kan du pakke kofferten og kjøpe deg ei pensjonistleiligheit i Spania.

..så vil eg ha noko så kommersielt (og demokratisk) som ei avstemming; kva synest du er den beste remiksen på lista?